దశావతారమ్

నాకు ఈ రోజు వరకూ తెలియదు దశావతార కు కధ సమకొర్చినది కూడా కమల్ హాసన్ యేనని. ఈ మధ్యన నేను చూసిన సినిమాలకు టికెట్ల రూపంలో డబ్బు ఖర్చు పెట్టీ పెట్టీ చివరకు ఈ సినిమాతో నా దాహం కొంచం తీరిందనే చెప్పుకోవాలి. ఈ సినిమాలో నాకు నచ్చిన/ నేను గమనించిన కొన్ని అంశాలు.

1. సినిమా మొదటి అరగంట చాలా బావుంది. ఇక్కడ కమల్ 12వ శతాబ్దపు కధ చెప్పే పద్దతి బావుంటుంది. "రాయిని మాత్రం కంటే ..." పాట హైలైట్.

2. సినిమా మొదళ్ళో బ్రాహ్మణ వేషధారి రంగరాజన్ నంబి నీటిలో మునిగి చనిపోతాడు, సినిమా చివరిలో దళిత నాయకుడు వింసెంట్ పుణ్యకోటి కూడా అంతే. జీవితమంతా దైవమే అని నమ్ముకున్నడు రంగరాజన్, మట్టే దైవం అని పోరాడాదు వింసెంట్ పుణ్య కోటి.

3. రంగరాజన్ అడ్డుకున్నా 12వ శతాబ్డం లో విష్ణువాలయంలో పెకిలించపడ్డ విష్ణు విగ్రహముండే అదే చోట 20వ శతాబ్దంలో గోవిందరాజు Bio-chip ఉన్న విగ్రహాన్ని పాతి పెట్టటం, పాతి పెట్టే ముందు ఆసిన్ సుప్రభాతాన్ని వల్లెంచటం, చాలా బావుంది.

4.12వ శతాబ్దంలో ఆసిన్ తన మంగళ సూత్రాన్ని శైవ రాజు పై విసిరికొట్టినప్పుడు, ఆమంగళ సూత్రం వెళ్ళి చోళ మండపం ద్వారపాలకుల దగ్గర ఉన్న సింహం పై పడుతుంది, అదే సింహం 20వ శతాబ్దం లో ఆసిన్ కాళ్ళకు తగులుతుంది.

5.12వ శతాబ్దంలో రంగరాజన్ బొట్టు చెరిపి రాయితో కొట్టినప్పుడు అది నిలువు నామ రూపంలో తగిలి ఆ రక్తమే ఎరుపు రంగు లో తిలకంలా నిలుస్తుంది. 20వ శతాబ్దలో కూడ గోవింద రాజుకు తలకు దెబ్బ తగిలినప్పుడు ముందు ప్లాశ్టర్ + ఆకారంలో వేసినా, తరువాత సినిమా అంతా అది నిలువు నామంరూపంలో చూపించాడు.

6. ఇక పుణ్య కోటి ఎంట్రన్సె, ఆసిన్ పై అత్యాచార యత్నం జరుగుతున్నప్పుడు "నారాయణా" అని అరుస్తుంది. అప్పుడు దళిత నాయకుడు విన్సెంట్ పుణ్య కోటి వస్తాడు.

7. పుణ్యకోటి అంటాడు "12వ శతాబ్దపు చోళ మండపానికీ గౌరవమూ లేదు, ఆ ప్రక్కనున్న శ్మశాన వాటికకూ విలువ లేదు", అన్న డైలాగ్ నాకు ఎందుకో బా నచ్చింది.

8.బామ్మ పుణ్యకోటిని తన గుండెలకు హత్తుకుని వీడేరా నా కొడుకు దశావతారం అని ఏడ్చిన సీన్ కు నా కళ్ళూ కొంచం తడిశాయ్.
9.నాకు ఈ సినిమా నచ్చటానికి మరో కారణం, శౄంగార, వైలెన్స్ పాళ్ళూ తక్కువుగా ఉండటం.

10. ఒకే కధలో పది క్యారెక్టర్ల నూ కూర్చి కధ రాసి, స్చ్క్రీన్ ప్లే కూడా చూసుకుంటూ, పది క్యరెక్టర్లకు చేసి కమల్ న్యాయం చేశాడనే అనిపించింది.

నేను కొన్న సినిమ టికెట్ కు నిజం గానే హాపీ ఫీల్ అయ్య.